堅‧樂比 曼聯復仇起「刺」
20180421
東網電視
更多新聞短片
即上英超刨績王：http://win.on.cc/epl
英格蘭足總盃4強戰今晚於溫布萊球場上演，由熱刺同曼聯爭入決賽。熱刺曾於二月聯賽喺此地贏過曼聯，但「魔帥」莫連奴向來擅長從失敗中學習，甚少重複犯錯，加上熱刺領隊普捷天奴執教生涯從未捧過盃，難同流住「冠軍血液」嘅「寸王」相比，難得曼聯受讓，樂比決定捧1.71倍讓球客勝！（ViuTV 99及Now 633周日凌晨零時15分直播）
寸王最叻錯誤中學習
當人去到某個年紀，唔容易承認自己嘅犯錯，尤其係有一定身份或地位嘅人，肯面對錯失尋求改進，先至係偉大人物。曼聯領隊莫連奴從來只係嘴硬，實際上佢勇於反省，姑勿論近年帶隊成績冇咁亮麗，但盃依然繼續捧，而且有一個較少人留意嘅事實係，「寸王」甚少連續輸畀同一個對手兩次。
莫連奴往績食住普帥
睇番莫連奴18年嘅執教歷史，只計聯賽從未試過畀同一對手雙殺，即使計埋盃賽，佢執教生涯亦只係試過1次同一季內，連續輸畀同一對手兩次。歸因究底思考同分析正正係「寸王」強項，輸完一次後會作出深切反省，然後即時調整，故熱刺想繼二月聯賽後再贏曼聯並唔易，再者莫連奴面對普捷天奴嘅戰績，更有住10勝1和3負優勢。
曼聯今個球季唔算太成功，但如果拎到足總盃，聯賽又以亞軍衝線的話，對一向牙擦擦嘅莫帥嚟講，都算勉強合格，畢竟冠軍就係冠軍，捧到盃都可交代吓，呢個亦解釋到佢點解咁重視本土盃賽，史上捧過25次盃並非浪得虛名，呢方面歷史上亦只有5位主帥勁過佢。
熱刺主場優勢唔明顯
值得留意係馬會今仗將熱刺列為「主場」，因為佢哋今季繼續沿用溫布萊踢主場賽事，但樂比認為熱刺優勢冇想像中咁大，首先盃賽主場失威屢見不鮮，最經典莫過於2012年歐聯決賽拜仁主場不敵車仔；二來球票分配上兩隊係均等，甚至曼聯球迷有機會多啲；三來曼聯球員喺溫布萊作賽經驗同樣豐富，如果熱刺因為主場之利而要讓波，樂比認為唔太合理，讓球客勝絕對抵玩。
Go Go 開波 GOAL DX 策略手遊
贏盡100萬現金獎賞 https://goo.gl/irtKhK
東網體育同你追實體壇每個精彩時刻！