【東網直播】Renee繼續陪你睇德甲
20180421
東網電視
更多新聞短片
收看直播，請按直播ICON，或按下面鏈結：
又到周末，東網繼續有女神Renee、走地專家Jason同軍情分析師Gary陪你睇德甲，法蘭克福主場對哈化柏林，仲會同大家分享全晚比賽嘅貼士同心得，今晚記得準時上東網啦！（on.cc東網周六晚9時直播《我愛酒地波》，賽事9時30分開波）
主隊法蘭克福目前排喺德甲第7位，如果維持目前排名，就可以攞到下屆歐霸盃參賽資格，何況追趕前4爭歐聯入場券仲未絕望，今晚主場出擊點都搏到盡。今場法蘭克福球星奇雲保定有望克服傷患擔正，遇上哈化柏林對佢嚟講意義重大，皆因佢喺柏林出生，曾經効力過哈化11年，最有趣嘅係曾經同今場雙方教練，法蘭克福嘅尼高高華同哈化嘅戴達，當年一齊喺哈化柏林中場線並肩作戰，除咗保定倒戈，尼高高華亦話佢對哈化非常了解，對今晚部署甚有幫助。法蘭克福雖然啱啱踢完德國盃作客史浩克04嘅硬仗，體能消耗大，但贏波殺入決賽嘅興奮足以掩蓋疲勞，球隊近8場德甲主場取得5勝3和佳績，今場波目標當然係3分。
法蘭克福夠贏哈化柏林
哈化柏林目前排第9位，但已落後法蘭克福7分，喺德甲已經無欲無求，雖然佢哋上輪半場落後下反勝科隆，但要留意係主場作賽，呢支首都球隊近季都徘徊中游，而且有個特點，每到季尾就揀波踢，作客經常懶懶閒，等主場至搏殺氹fans，近4季季尾作客成績慘不忍睹，前季最後8場輸咗6場，上季更離譜到直落連輸9場，今晚到訪法蘭克福，戰意肯定唔及主隊鮮明，推介1.75倍法蘭克福主勝。
即上英超刨績王：http://win.on.cc/epl
東網體育同你追實體壇每個精彩時刻！