【2017/18香港足球明星選舉】香港飛馬

【投票呢度！】

www.hkfa.com/vote　

香港飛馬今季喺聯賽演出不俗，前中後三線都有穩定發揮，喺積分榜暫時排第二位，足總盃亦成功殺入四強！

今季香港飛馬嘅攻擊力絕對唔錯，喺中鋒查維斯嘅衝鋒陷陣下，香港飛馬聯賽攻入33球，呢位嚟自澳洲嘅大隻佬就喺聯賽有13球進帳，排聯賽射手榜第二位！後防方面，今季獲重用嘅張志勇，無論本地賽事抑或省港盃披上港隊戰衣都有不俗表現，佢就聯同黃俊皓、梁諾恆同方栢倫一齊競逐最佳後衛！

要數香港飛馬陣中表現搶鏡嘅年青球員，相信胡晉銘會係大家嘅心水選擇。今季除咗最擅長嘅防守中場位置，亦曾被教練安排踢閘位，年紀輕輕但踢起上嚟極具大將之風，佢會同「Jordan仔」林樂勤一齊被教練提名最佳年青球員外，亦成功入選香港飛馬11人提名名單嘅中場位置！