【2017/18香港足球明星選舉】陽光元朗

【投票呢度！】

www.hkfa.com/vote　

「橙衫軍」今季演出不乏驚喜之作，除咗喺「高級組銀牌賽事」奪冠，成為盃賽殺手之外，亦喺聯賽有唔錯嘅演出。由其係聯賽主場出擊，暫時踢咗7場，錄得3勝2和2負嘅戰績，非常唔錯。

今季得到一對巴西前線孖寶艾華頓同祖連奴來投，球隊進攻方面威脅力激增。其中個人突破能力高超嘅艾華頓，今季於所有賽事已經攻入12球，成為球隊首席射手。另外，中場位置嘅雲迪奴域就屬於球隊嘅後上殺手，今季所有賽事有6個入球收穫，3人皆獲陽光元朗提名競選今屆「香港足球明星選舉」。

後防方面，41歲嘅法比奧繼續成為「橙衫軍」定海神針，今季無論夥拍杜馬思或本地後防新星余煒廉，都一樣交足貨，係球隊今季成功嘅一大因素。此外，余煒廉亦同表現穩定嘅門將陳嘉豪，齊齊獲提名競選「最佳青年球員」。