【2017/18香港足球明星選舉】和富大埔

【投票呢度！】

www.hkfa.com/vote　

和富大埔今季表現突出，喺積分榜一直喺前列，另外亦殺入咗「菁英盃」決賽，同埋喺「足總盃」四強，成績可人。

隊長黃威今季表現大熟大勇，擔任進攻中場，為隊友鋪橋搭路同時，更不時有具質素射門。另外兩位前線殺手伊高沙托尼，同埋迪亞高亦持續「交足貨」，特別係前者已經喺各項賽事攻入15球，成為和富大埔嘅首席射手。以上3位球員都獲球隊提名競逐最佳11人。

後場球員方面，杜度成為球隊今季最重要嘅後上殺手，經常透過死球以頭槌攻門破網。至今，杜度已取得5個聯賽入球，係聯賽入波最多嘅後防球員。佢同艾華度、翟廷峯、積施利幾個後防拍檔，加埋今季表現平穩嘅門將李瀚灝，呢條防線喺聯賽只失20球，係港超聯失球第二少嘅球隊。

青年球員方面，和富大埔中場陳俊樂連奪兩屆「最佳青年球員」後，今季表現更加成熟，成為球隊中場重心。佢嘅隊友司職翼衞嘅趙少維，喺「菁英盃」有唔少上陣機會兼取得入球。佢兩個都獲得提名競逐「最佳青年球員」。