桂神最好傾 雲格敗在放手太遲
20180505
東網電視
更多新聞短片
即上英超刨績王：http://win.on.cc/epl
金句:雲格的日與夜，廿年忠心無功都有勞，敗在不願急流勇退
周五凌晨筆者特登捱眼瞓，睇吓老帥雲格能否喺佢離任之前，帶領球隊擊敗馬德里體育會殺入歐霸決賽，可惜大家所期盼嘅童話故事，最終畀剋星、曾效力車仔嘅馬體會中鋒迪亞高哥斯達一腳粉碎，兩回合計輸1比2出局，在殘酷現實之下，雲格抱憾結束執教阿仙奴嘅歐洲賽生涯。阿仙奴並非冇球星，但整隊都好似Jaded(滑晒啞)，全無背水一戰嘅勇氣，試問對手又點會怕呢。到底佢哋有冇鬥心用獎盃歡送雲格？還是已為今夏準備離隊而無心戀戰呢？相信只有佢哋先至知，亦無謂在此落井下石。
1996年，雲格從日職球隊名古屋八鲸(名古屋鯨魚前名)加盟阿仙奴，徹底改變英超生態，2次雙料冠軍及1次不敗封王，全屬佳品，之後受制於建新球場而變守財奴，但喺限米煮限飯之下，年年躋身前4絕不容易。呢位法國主帥掌舵22載，不辭勞苦事事上心，對阿仙奴忠心不二，佢為球隊慳得就慳，深得高層看重，卻為球迷所不恥，令佢頓成磨心。雖然人才不斷流失，但雲格做到No one is bigger than the team in team games(在隊制運動下冇任何人比球隊更大更重要)，同樣地，雲格就算有又幾大功績，都不能凌駕喺球隊之上，隨住阿仙奴連續2年前4不保，戰績下滑，佢亦不得不忍着淚說再見，一代名帥黯然落幕，只怪佢對阿仙奴愛得太深捉得太緊，不願急流勇退，有時放手都係愛的表現。
Go Go 開波 GOAL DX 策略手遊
贏盡100萬現金獎賞 https://goo.gl/irtKhK
東網體育同你追實體壇每個精彩時刻！