阿仙奴主場告別戰名宿大團圓歡送雲格

20180506
東網電視
更多新聞短片
雲格
即上英超刨績王:http://win.on.cc/epl 
今晚英超尾場之一,「6哥」阿仙奴於主場迎戰般尼。雖然阿仙奴剛於歐霸遺憾出局,但今場係老帥雲格執教兵工廠22載嘅主場告別戰,球隊將會舉行隆重嘅送別儀式,眾將必定施展渾身解數,向呢位一代名帥作最後致敬,而且兵工廠近期主場例演入球騷,捧中位數2.5球大盤更划算。(Now 622周日晚11時30分直播)
阿仙奴周中歐霸4強畀馬體會踢出局,注定今季四大皆空,未能用獎盃歡送季尾離任嘅老帥雲格,由於阿仙奴在最後兩場聯賽咁翹係作客,因此今仗係佢哋今季主場酋長球場嘅謝幕戰,亦係雲格告別其一手一腳建成嘅酋長球場之戰,連同高貝利球場及依家嘅酋長球場在內,今仗係雲爺爺第606場於阿仙奴主場領軍,意義重大。
般尼作客咪搞寸Party
為咗歡送雲格,所有入場球迷,都會獲贈1件印有「感謝雲格」法文字樣嘅紅白T恤,而會方亦邀請咗一眾曾為兵工廠出賽達百場以上嘅名宿,包括阿當斯、亨利、蘇甘保、皮利斯等雲爺爺昔日愛徒,佢哋都畀面出席,賽前陪同恩師與佢22年來所贏得嘅各項獎盃嚟個大晒冷,同時賽後亦為即將退役嘅隊長梅迪薩卡作送別儀式,充滿溫情元素。
講番場波,對兩軍嚟講冇乜競爭意義,般尼餘下聯賽攞多1分就鎖定歐霸參賽資格,預計今場唔會搞寸Party,阿仙奴亦穩袋歐霸入場券,不過眾將都希望踢番場好波,向雲爺爺作最後致敬,必定全力搶攻。睇番兵工廠近9仗主場聯賽,全開3球或以上,加上呢類紀念場合通常會踢得開放,斯維覺得捧大盤更好路。
東網體育FB同你追實體壇每個精彩時刻!
Follow東網體育IG一齊撐本地運動員!
Go Go 開波 GOAL DX 策略手遊
贏盡100萬現金獎賞