港超煞科　【歡送忠臣】冠忠南區vs東方龍獅

本季「中銀人壽香港超級聯賽」周日（13日）煞科，最後一輪5仗同步於下午2時30分上演，on.cc東網會直播當中兩場激鬥，分別為傑志於旺角大球場對陽光元朗的「科蘭告別戰」，以及理文主場硬撼R&F富力。「煞科日」另一焦點莫過於和富大埔與香港飛馬的「2哥之爭」；至於另外兩場分別為冠忠南區主場對東方龍獅、標準流浪則火併夢想FC，港超煞科日，場場有賣點，幕幕咁精彩！ 

冠忠南區周日（13日）坐鎮香港仔運動場鬥東方龍獅，南區剛於足總盃出局，主教練鄭兆聰盼一班年輕球員可從中成長，忘記過去重新出發：「出局後大家心情有啲打擊，始終足球就係咁，唔得再嚟過。」兩軍季內兩度交鋒均由東方龍獅勝出，「Ricky Sir」揚言：「我哋同佢哋都冇咩好爭，當然我哋心態係專業嘅，希望球員盡力去踢以贏波做目標。」南區賽後亦會為效力球隊16季的「忠臣」林浩鈞舉行歡送儀式。

東方龍獅已確定第4名完成聯賽，主教練李健和於上仗大勝標準流浪後，指球隊下半季信心全面提升，令戰績穩步上揚。儘管名次已定，但「和哥」仍盼爭取最多分數衝線︰「嚟到聯賽最後一場，都想全取3分。」