港超煞科　【2哥之爭】和富大埔vs香港飛馬

本季「中銀人壽香港超級聯賽」周日（13日）煞科，最後一輪5仗同步於下午2時30分上演，on.cc東網會直播當中兩場激鬥，分別為傑志於旺角大球場對陽光元朗的「科蘭告別戰」，以及理文主場硬撼R&F富力。「煞科日」另一焦點莫過於和富大埔與香港飛馬的「2哥之爭」；至於另外兩場分別為冠忠南區主場對東方龍獅、標準流浪則火併夢想FC，港超煞科日，場場有賣點，幕幕咁精彩！ 

已進身菁英盃及足總盃決賽的和富大埔，目前與「2哥」香港飛馬同分，因對賽成績而排第3位。由於聯賽冠軍傑志亦已殺入足總盃決賽，大埔只要全取3分成為聯賽亞軍，便可獲來季亞協盃入場券，主教練李志堅坦承今仗與決賽無異︰「今場絕對係硬仗，我哋嚟緊仲有兩個決賽，除練波外仲要畀球員適當調節同放鬆，並因應對手作出相應部署。」

客軍香港飛馬近4仗均未能獲勝，包括上月菁英盃4強不敵今仗對手大埔，主教練楊正光坦言：「我哋睇咗好多佢哋過往比賽嘅片段，好了解對手，會根據上次有啲咩做得唔好嘅地方去改善。」由於首循環飛馬曾擊敗大埔，今仗即使和局也能保住第2位，惟「楊Sir」重申不能有此想法：「唔可以諗住和就得，所以賽前我哋係心理上嘅調節多於喺練習上。」