港超煞科 忠臣林浩鈞:贏波就係最好嘅歡送

20180513
東網電視
更多新聞短片
效力冠忠南區已16個球季的林浩鈞,今仗對陣東方龍獅屬他效力南區的最後一場比賽。一眾球迷於上半場13分鐘高呼「隊長鈞」,向身穿13號球衣的林浩鈞致謝。至於球隊亦於賽後特意為他舉行歡送儀式,感謝他多年來的付出。
今場比賽最終未能落場,主教練鄭兆聰指有點遺憾:「我想畀佢,但係最後換唔到,如果我哋可以保持個戰果,最後嗰15分鐘一定係『鈞仔』踢,呢方面有少少可惜。」反而林浩鈞指:「我覺得球隊贏波,咁樣歡送我覺得係最好,有冇得落場唔重要,反而係全隊球隊開心、贏波。」
問及他未來動向,他表示:「下一站?我未諗呀,到時先再算啦,睇下有冇球會需要人,咁我再睇下踢唔踢喇。」今場比賽賽後成為球迷集郵目標的林浩鈞,更把身上球衣一一脫下送給球迷,他謂:「無所謂嘅,佢哋鍾意咪畀佢哋囉,反正我咁多年啲波衫都係擺喺度。」此外,他亦很感激球迷的支持:「感激佢哋跟咗咁多年,嗱,老老實實我唔知佢哋係咪跟足16年,但係跟咗十年八載嗰啲球迷,我都好感激佢哋一直支持南區。」