哈軍向雲格致敬多花臣

東網電視

(Getty Images)

即上英超刨績王：http://win.on.cc/epl　

英超煞科日焦點之一嘅阿仙奴作客哈特斯菲爾德，由於主隊賽前已經護級成功，今場不但係主場祝捷會，更做個順水人情搞埋雲格歡送會，仲好多花臣添。

首先係列隊歡迎雲爺爺出場，呢個儀式上星期都搞過，今次哈特斯菲爾德再搞多次，對賽雙方列隊歡迎雲格亮相，雲格揮手向全場觀眾告別。

開賽冇耐，球場上空出現一架飛機，用法文寫住多謝雲格嘅標語，大家睇波期間都抬高頭望吓張橫額，做得幾靚。

踢到22分鐘，全場觀眾起立鼓掌1分鐘，意思係向執教阿仙奴22年嘅雲格最後致敬，呢次歡送雲格咁多花臣，係哈特斯菲爾德代表全英超向雲格表達嘅心意。

至於呢場波，阿仙奴憑奧巴美揚喺38分鐘入波，以1比0小勝，結束作客7連敗嘅尷尬走勢，呢場勝仗係咪哈特斯菲爾德送畀雲格嘅最後禮物，咁就不得而知喇。

東網體育FB同你追實體壇每個精彩時刻！

Follow東網體育IG一齊撐本地運動員！

Go Go 開波 GOAL DX 策略手遊

贏盡100萬現金獎賞

on.cc東網