陳兆男成絕殺功臣!喇沙矚目大戰贏波

2018年05月17日 16:04
東網電視
更多新聞短片
陳兆男(右)射入絕殺,成贏波功臣。

Panasonic學界籃球邀請賽2018今日在灣仔修頓場正式開打,進行一連4日的賽事,第一場已經上演C組矚目大戰,由港島區D2冠軍聖若瑟書院硬撼喇沙書院,兩隊在20分鐘賽事鬥得超激,喇沙書院最在最後1秒由陳兆男(Justin)射入絕殺2分,成為球隊贏波功臣,賽後一眾「喇沙仔」超激動,衝入球場互相慶祝,場面勁熱血!

今場比賽開波兩隊已經採取主動,希望在20分鐘賽事內盡快拉開比數,聖若瑟書院初段有柯冠宇和許子樂連續轟入2球3分,但喇沙書院有今仗表現出色的陳兆男追分,半場喇沙領先11比8。下半場聖若瑟繼續受制於對手內線身高,只能選擇外圍投射,謝嘉浚由再射入3分,將比數追成13比13平手,兩隊在最後1分鐘仍然打成平手,但在最後1秒陳兆男射入絕殺2分,協助球隊以15比13擊敗聖若瑟書院。

今年中五的Justin今場攻入全隊最高7分,曾經因心態不好離隊,今次重返球隊更成為絕殺功臣,賽後他坦言好興奮:「始終自己打大賽經驗不多,今次是我人生第一個大賽,因為自己曾經因事離隊。但今次在最後關頭隊友選擇將波交給我,很高興他們對我重新信任!」他亦希望下仗小組賽可以再贏波,順利出線4強,並帶領球隊努力打入決賽。



Follow東網體育IG一齊撐本地運動員!
http://bit.ly/2EYxoRh

東網體育FB同你追實體壇每個精彩時刻!
http://bit.ly/2ecTF2A