【5.17盛典】搞鬼華杜斯:頭痕運獎返家鄉

2018年05月17日 22:41
東網電視
更多新聞短片

今季於中場線助攻助守,成為傑志「關鍵先生」的前匈牙利國腳華杜斯,於「2017/18香港足球明星選舉」連奪「最受球迷歡迎球星」、「球員之星」、「香港足球明星—中場」,再擊敗隊友唐建文及陽光元朗射手艾華頓當選「香港足球先生」,可謂實至名歸!華杜斯一改場上「Cool爆」形象,訪問時盡顯幽默一面:「最有意義當然係球員之星,因為得到對手嘅認同唔易,我知道會有很多球迷投我一票,因為我比賽後經常幫佢哋簽名!上季我未有入選香港足球明星,真係有啲嬲架,今季我又唔係神射手,又唔係進攻中場或者成日盤扭,但反而攞到4個獎,依家我好頭痕,因為我真係唔知點樣將4個獎運返匈牙利。」

無論球迷或記者,總是關心這位新任「足球先生」下季去向,華杜斯指獎項未有影響他的考慮:「獎項畀咗我難忘嘅回憶,當有一日我退休,我睇番呢啲獎,都仲會記得曾經有呢個屬於我嘅晚上,證明我曾經踢過好波,話唔定我嗰陣可能會睇到喊添!我好享受喺香港嘅時光,做足球員總係想爭取冠軍,即本睇下來季會點。」華杜斯亦多謝一眾隊友,但就指自己並不滿足於此,期望在未來兩項盃賽上再封王。