【5.17盛典】冧莊最佳 朱Sir感謝職球員

2018年05月17日 22:47
東網電視
更多新聞短片

今季最佳教練的獎項,由帶領傑志以不敗姿態衛冕港超冠軍的朱志光成功「冧莊」,繼去年後再次奪得殊榮,「朱Sir」坦言感到高興︰「當然係開心啦!始終近年嚟都好少教練可以『冧莊』,呢個獎對我嚟講一個好大嘅鼓舞。舊年攞完個獎已經畀咗好多無形嘅壓力自己,但係後來都諗通咗,專心為球隊準備每一場比賽,由季前開始已經好用心去準備,由第一日開始去鞭策球員,要佢哋有爭勝心。」

「朱Sir」亦表示,感謝一班職球員的付出,亦大讚球員們在亞冠遇到挫折後能夠振作起來︰「去到打亞冠雖然遇到少少挫折,喺首兩場分組賽都經過大比數嘅敗仗,自己曾經一度失咗信心,慶幸好快就可以修正過來。喺信心番嚟之後,今季聯賽都比較順利,有賴一班職球員,而科蘭嘅加盟亦為球隊帶嚟衝突同新鮮感。其實聯賽都唔算容易應付,因為各隊都為以贏到我哋為榮。」