【世盃倒數】慘爆24小時 皮耶落選法國大軍

2018年05月18日 03:57
東網電視
更多新聞短片

即上英超刨績王:http://win.on.cc/epl 

冇陰功,慘到爆呀!法國球星皮耶周三(16日)晚代表馬賽出戰歐霸盃決賽,點知踢咗唔夠半粒鍾,就因為大腿傷被逼退下火線,最後馬賽仲要輸埋波失落冠軍。呢頭受完打擊,皮耶喺今晨又再遇挫折,事關佢落選咗由主帥迪甘斯公布嘅法國23人世盃大軍名單。24小時連環受挫,皮耶今鋪堅慘囉!

法國領隊迪甘斯解釋點揀皮耶:「皮耶一直係球隊重要一員,但佢踢完歐霸盃上半場,令佢傷勢加劇,而一般呢類傷勢嘅復原時間係三星期,仲要係有機會再次復發添。」講到咁白,皮耶落選都冇得拗啦!呢位前韋斯咸中場係法國喺2016歐國盃打入決賽嘅主力,依家冇份,真係幾令球迷失望。反而今季喺曼城養傷勁耐,復出又冇乜踢幾場嘅班捷文文迪,都一樣有份入選,真係同人唔同命囉!

法國23人大軍名單
門將:洛里斯(熱刺)、文丹達(馬賽)、艾路拿(巴黎聖日耳門)
後衞:盧卡斯靴南迪斯(馬體會)、派斯奴甘佩比(巴黎聖日耳門)、班捷文文迪(曼城)、班捷文柏華特(史特加)、阿爾拉米(馬賽)、迪積比爾薛迪比(摩納哥)、烏姆迪迪(巴塞隆拿)、華拉尼(皇馬)
中場:尼高路簡迪(車路士)、馬度迪(祖雲達斯)、尼桑斯(西維爾)、保羅普巴(曼聯)、哥倫天杜利素(拜仁)
前鋒:奧士文尼迪比利(巴塞隆拿)、費基亞(里昂)、基奧特(車路士)、基沙文(馬體會)、湯馬士林馬(摩納哥)、基利安麥巴比(巴黎聖日耳門)、泰奧雲(馬賽)

東網體育同你追實體壇每個精彩時刻! 
https://goo.gl/ewVpvE