【世盃倒數】時光倒流 俄自由行要搞暫住證
20180518
東網電視
更多新聞短片
即上英超刨績王：http://win.on.cc/epl
除非你係世界盃波飛持有人，仲已經訂咗酒店，否則喺抵達俄羅斯之後3日，就要申請登記臨時住宿，連俄國公民都唔可以倖免，理由係國家安全問題喎。
根據喺5月12日生效嘅總統相應法令，由5月25日到7月25日期間，所有離開原居地前往世界盃舉辦城市嘅俄羅斯公民，將被要求喺3日內，去到內務部領土部門註冊登記臨時住宿，屆時必須提供申請、護照同暫住證明文件，例如租屋合約等，若然係訂好酒店而唔係入住民宿，就免咗呢啲麻煩，因為酒店早就幫你搞埋。嗰啲自由行睇世界盃嘅外國人，如果冇被列入國際足協名單，一樣要喺抵達俄羅斯3日內登記。
呢種好似上世紀中返大陸探親要辦暫住證嘅制度，引發當地專家擔心，驚呢啲措施會導致有關部門大排長龍，但就話關乎安全冇計喎。
東網體育同你追實體壇每個精彩時刻！