保方去德甲？慕遜加柏爆粗回應

即上英超刨績王：http://win.on.cc/epl

保方加盟慕遜加柏？點解呢支德甲球隊用粗口回應？

意大利鋼門保方周四宣布季尾離開祖雲達斯，德甲慕遜加柏官方Twitter馬上對呢位傳奇表達祝福，登咗一張保方手持佢哋隊波頸巾嘅照片，結果令唔少球迷誤以為保方去向已定，搞到慕遜加柏要立刻喺Twitter圖文並茂予以澄清：「以為我哋真係簽咗保方嘅人太X過多喇。」查實慕遜加柏嗰張相係2016年聖誕節前影嘅，當時慕遜加柏為保方特制咗一份聖誕禮物，呢條頸巾上面冇球隊嗰個長到唔恨嘅隊名，只係得句「一支德國球隊」，因為保方細個嗰陣，就好喜歡呢支自己讀唔出個名嘅球隊，點知今次就搞出咁嘅誤會出嚟。

東網體育同你追實體壇每個精彩時刻！