青年會驚險過關！隊長：多謝隊友咁畀力

「Panasonic學界籃球邀請賽」女子X組榜首大戰，由中華基督教青年會中學火拚裘錦秋中學，勝者將取得晉級資格。被睇低一線的裘錦秋先有何佩盈的兩罰及張芷嵐一記三分球，一度領前5比0，不過青年會企穩陣腳後，在陳諾言帶領下反超前。何佩盈今仗表現可人，兩度搏得「And-one」，第二節裘錦秋再逼近，令戰況逐漸緊湊。青年會幸得陳穎欣連取4分，羅雅穎亦兩度偷球快攻得手，加上這位隊長關鍵時刻頂住壓力射入罰球，最終險勝20比15，以兩連勝姿態出線4強。

今仗射入8分成為致勝關鍵的羅雅穎，賽後表示：「偷到波打快攻係因為隊友好畀力防守，我先有機會截波，呢個係全隊嘅合作。最後我只係想入波拉開分數，完全聽唔到干擾嘅尖叫聲！」精英賽時執教球隊的梁國成離任，羅雅穎指球隊未受太大影響：「我哋當然需要時間適應，但原本嘅助教留任，佢都清楚我哋打法。我反而覺得全部球員都硬淨咗，對抗性強咗，因為大家精英賽後都知道自己呢方面比人弱，呢一兩個月練習時針對性改善。」

東網體育FB同你追實體壇每個精彩時刻！

http://bit.ly/2ecTF2A

Follow東網體育IG一齊撐本地運動員！