【阿根廷最後23人】阿古路爭贏伊卡迪！
20180522
東網電視
更多新聞短片
即上英超刨績王：http://win.on.cc/epl
阿根廷正式公布世界盃23人名單，今季意甲射手王，幫國際米蘭奇迹取得下屆歐聯席位嘅莫路伊卡迪，爭唔贏阿古路落選。阿古路上個月先做完左膝手術，但領隊森柏奧利始終信任呢名曼城前鋒，希望用阿古路、戴巴拿、希古恩同王牌美斯，力爭世界盃冠軍。
對於棄伊卡迪選阿古路，森柏奧利咁講：「由上星期開始，阿古路已好番晒，全情投入高強度訓練，完全冇問題。伊卡迪一向都係非常接近入選，但我只能選四個前鋒。」
中場方面，踢埋今次世界盃，就退出國家隊嘅馬斯真蘭奴順利入選，班尼加、迪馬利亞、蘭仙尼亦在陣中。後防方面，於英超搵食嘅奧達文迪、馬高斯盧祖及羅美路亦入選。
阿根廷23人名單
門將：
羅美路（曼聯）、韋利卡巴尼路（車路士）、法蘭高阿曼尼（河床）
後衞：
加比爾馬卡度（西維爾）、安沙迪（拖連奴）、奧達文迪（曼城）、法斯奧（羅馬）、馬高斯盧祖（曼聯）、達利亞費高（阿積士）、馬高斯阿古拿（士砵亭）
中場：
馬斯真蘭奴（河北華夏幸福）、伊度亞度沙維奧（賓菲加）、碧基亞（AC米蘭）、盧施素（巴黎聖日耳門）、班尼加（西維爾）、蘭仙尼（韋斯咸）、麥斯美沙（獨立隊）、迪馬利亞（巴黎聖日耳門）、基斯甸柏禾（小保加）
前鋒：
美斯（巴塞隆拿）、保羅戴巴拿（祖雲達斯）、阿古路（曼城）、希古恩（祖雲達斯）
東網體育FB同你追實體壇每個精彩時刻！