仲有一日開波　世界盃？咩嚟架？

2018俄羅斯世界盃聽日正式開幕，各位球迷朋友相信都好期待，但除咗球迷，東網今日喺銅鑼灣街頭進行街訪，發現好多朋友仔對世界盃都無咩認識，但話晒係4年一度體壇盛事，相信就算平時唔睇波，到世界盃正式開鑼，都會同三五知己睇番幾場嘅！

27歲情侶Winger同Karina

27歲的Winger透露一向有看球賽，是德國隊的忠實球迷：「睇好德國，因為佢哋團體合作好好，同埋我自己好鍾意馬高列奧斯，今屆知道佢入選都會撐佢。」不過，Winger因工作關係或未能場場看：「自己本來就唔係睇開國家隊，就啱時間先睇。」問及世界盃決賽對手，他豪言：「其實邊隊對德國都應該德國贏，冇咩所謂啦！」而女朋友Karina則較少關注：「我好少睇波，但係世界盃我會跟佢睇，佢撐咩我撐咩。」真是羨煞旁人！

18歲的Jessie同Brenda

指知道世界盃在本月開賽，街上亦有大賽氣氛，但她表示不會看球賽：「屋企人都比較少睇，我知道有朋友會睇，但係都唔會一齊睇，因為佢哋知我哋唔睇。」至於世界盃參賽隊伍，她笑說：「朋友講過但都唔知係咩！」而她的朋友Brenda同樣沒有留意足球，但她卻認識英超球隊利物浦和越位，在旁的Jessie隨即說：「都唔知關唔關事！」

80後陳先生：

「今年無留意世界盃，但周不時都聽朋友講。對於今年邊個捧盃有好多意見，好多人都支持阿根廷，因為美斯就快喺國家隊退役，德國同葡萄牙都有聽過。如果有朋友叫，都會一齊去酒吧睇，當係消閒，就算第二日要返工都可以捱夜睇波。出去睇波前會同女朋友溝通好，唔會唔理身邊人感受日日追住睇，一定要平衡好時間。」

25歲情侶 Clobe同Amy

邊個話女仔唔識波？記者問到世界盃幾時開波，Amy一秒就答到係14號，仲快過男友Clobe。原來女仔係尹佩斯fans，雖然荷蘭今屆出咗局但都一樣支持。而Clobe今屆睇好德國，但叫佢講3個德國球員，就淨係講得出湯馬士梅拿同紐亞。至於會揀邊場波睇，Clobe就話：「梗係睇德國喇，唔通中國咩。」呢位朋友仔真係幽默。

19歲Nadia

世盃一到，各國靚仔球星傾巢而岀，19歲Nadia:「我最喜愛嘅球星係C朗、仲有嗰個巴西人……(尼馬？)係！尼馬！因為佢哋真係好靚仔……哈哈哈！」說罷，Nadia和友人更巧遇巴西體操男神Arthur Nori並成功集郵，開心到彈起！

21歲陳小姐

香港女生普遍不太熱衷足球，21歲的陳小姐表示雖然自己是「排球人」，但世盃都會留意一下，「今屆世盃好似冇上屆咁多宣傳，身邊朋友都冇乜提起，但我知阿根廷幾勁，上屆有睇佢哋踢決賽㗎！」

東網體育FB同你追實體壇每個精彩時刻！