俄版立花兄弟!留名等睇雙人射球

2018年06月13日 22:15
東網電視
更多新聞短片
(互聯網)

即上彩報世盃專頁:http://win.on.cc/football/cup2018/ 

每屆世盃舞台上,都會有兄弟兵齊齊並肩作戰,作為今屆世盃東道主,俄羅斯當然喺呢方面都唔輸蝕,「戰鬥民族」今屆世盃大軍名單中,就有阿歷斯同安東呢對米蘭卓克兄弟坐鎮。

佢兩個唔止喺同一家球會效力,連個樣都似到足,皆因原來佢哋仲係孖生兄弟,而且個個都好鬼好波,可以話係畀俄羅斯球迷寄予咗厚望。

呢對米蘭卓克孖仔今年只係得22歲,係呢支俄羅斯隊中名副其實嘅一對「鮮肉」孖寳,不過唔好睇佢哋年紀細細,兩位可以話係莫斯科火車頭過去一季重奪俄超冠軍嘅核心人物。

成名較早嘅阿歷斯,職業生涯至今可以話係一帆風順,無論喺球會同國家隊,都係重點培養嘅對象。相反安東嘅經歷就崎嶇好多,仲一度畀外借到愛沙尼亞聯賽。

不過係外國嘅歷練同努力付出後,安東重獲火車頭賞識,繼上季成為球隊奪標功臣之後,仲同孖兄弟一起入選俄羅斯國家隊,兩位嘅今屆表現絕對值得留意。

除咗俄羅斯之外,仲有唔少球隊,都有機會出現兄弟同場上陣嘅情況,包括比利時嘅夏薩特兄弟、墨西哥嘅杜斯山度士兄弟同埋摩洛哥嘅岩拉伯特兄弟。

俗語有話兄弟同心,其利斷金,唔知有揀兄弟兵入選世盃大軍名單嘅球隊,今屆表現會唔會更加勁呢?

東網體育FB同你追實體壇每個精彩時刻!
http://bit.ly/2ecTF2A 

Follow東網體育IG一齊撐本地運動員!
http://bit.ly/2EYxoRh