FIFA冇面 起碼廿場分組賽仲有飛賣!

20180614
東網電視
更多新聞短片
(Getty Images)
即上彩報世盃專頁:http://win.on.cc/football/cup2018/ 
世界盃係全球最大體育盛事,波飛不嬲都一票難求,但今屆俄羅斯世盃決賽周就銷情麻麻,起碼廿場分組賽仲有飛賣,當中包括頭六組分組賽嘅四場首場仗事,依然未有爆滿迹象,就連大牌球隊如法國及英格蘭,佢哋分組賽第一擊依然大把位剩,相信國際足協及主辦國俄羅斯,都難以滿意目前情況。
俄羅斯世盃近月不斷傳出不利消息,而主隊亦唔見特別受歡迎,揭幕戰對沙特阿拉伯,亦於當地時間周二先賣清,如果連開幕首戰都賣唔晒,對主辦國真係好尷尬。英格蘭首戰對突尼西亞,法國對澳洲,以及哥倫比亞對塞內加爾,到目前仍然可輕鬆買飛,預料大家睇現場直播,或者可以睇到現場大把空位。而銷情最曳嘅一場,就係A組埃及對沙特阿拉伯,相信到開賽一刻,都係空位多過球迷。
東網體育同你追實體壇每個精彩時刻!