今晚揭幕戰認住佢!靚仔高路雲隨時爆出

20180614
東網電視
更多新聞短片
即上彩報世盃專頁:http://win.on.cc/football/cup2018/ 
今晚世界盃揭幕戰俄羅斯對沙特阿拉伯,被視為史上最悶嘅揭幕戰,論戲碼呢場波的確唔算好吸引,不過大家畀面世界盃呢股熱潮,相信都有好多人會坐定定睇波。沙特阿拉伯外同俄羅斯陣中都冇乜頂級球星壓陣,一般球迷要講出2隊其中一個球員名都可能有難度,不過大家見到俄羅斯中場高路雲,就一定要落足眼力!
現年22歲嘅高路雲係俄羅斯被受期待嘅新星,腳法同創造力都好強,射罰球亦有一手,加上個靚仔外表,有齊晒做人氣巨星嘅一切條件。事實上,上季效力莫斯科中央陸軍嘅高路雲,世界盃後好可能會去意甲搵食,據報意甲班霸祖雲達斯已經同意用2,000萬歐元將佢收購,如果佢今屆世界盃有好表現,隨時會成為新一代球壇「人氣王」!
東網體育FB同你追實體壇每個精彩時刻!