一齊估！法國真正大佬係邊個

東網電視

基利安麥巴比(前排右)話基沙文(前排左)係大佬。(美聯社圖片)

法國係俄羅斯世盃冠軍熱門之一，皆因陣中有好多星級球員，不過講到陣中邊個係大佬，就未必每個人估到，答案係基沙文呀！

基利安麥巴比咁話：「我覺得基沙文已經係法國嘅大佬，當你代表國家隊踢歐國盃，然後拎到金靴獎，就代表你有能力面對壓力。或者基沙文有段時間狀態普通，但佢已經證明自己有幾出色，如果我哋要拎到好成績，佢肯定係當中嘅關鍵。」另外，消息話基利安麥巴比喺操練被隊友踢傷後冇咩事，可以喺法國對澳洲嘅比賽打正選。

Follow東網體育IG一齊撐本地運動員！

東網體育FB同你追實體壇每個精彩時刻！

on.cc東網