就算世盃無童話你都會支持......

2018年06月14日 20:40
東網電視
更多新聞短片
俄羅斯世盃吸引全世界注視。(Getty Images圖片)

即上彩報世盃專頁:http://win.on.cc/football/cup2018/ 

足球嘅魅力在於未踢過冇贏梗,包括巴西對哥斯達黎加。雖然世盃歷史上得8個國家拎過冠軍,當中仲全部係足球文化同根基超強,但就算世盃無童話,世界各地嘅人都會義無反顧支持自己撐嘅球隊,正如你。

以前香港教育最睇重搵咩工,姨媽姑姐眼中律師、醫生或者教書都唔錯。日本人唔同,歌詞中出現得最多係愛、勇氣同夢想,鼓勵大家喺唔可能嘅領域向世界挑戰,所以日本足協唔怕你笑,夠膽發起「百年計劃」爭奪世盃冠軍。

日本能唔能夠喺100年內奪得世盃冇人知,反正佢哋嘅女足已經喺2011年,登上過女子世盃冠軍寶座。我承認自己打份工,唔敢發夢做童話主角,創業成功做大有錢佬,或者因為咁,世盃上唔可能變成可能嘅故事,先至咁感動你同我嘅心。

俄羅斯世盃都幾多被睇死陪跑嘅隊伍,冇幾多人會覺得沙特阿拉伯、冰島、巴拿馬甚至日本出到線,但就算係咁,支持佢哋嘅人依然會撐到底,而且唔排除佢哋嘅國家,有人會期望佢哋奪得世盃而回。做人,始終有夢想開心啲。 文:西多夫

Follow東網體育IG一齊撐本地運動員!
http://bit.ly/2EYxoRh 

東網體育FB同你追實體壇每個精彩時刻!
http://bit.ly/2ecTF2A