基沙文眼神憂鬱 宣布唔去巴塞留喺馬體會!

20180615
東網電視
更多新聞短片
基沙文喺節目上公布決定。
即上彩報世盃專頁:http://win.on.cc/football/cup2018/ 
世盃奪標熱門之一嘅法國,嚟緊周六就會踢首場分組賽對澳洲,佢哋陣內前鋒基沙文近排一直受到轉會傳聞困擾,話佢會由馬體會過檔巴塞隆拿。為怕繼續受傳閒影響備戰,基沙文今日透個一個由西班牙電視台Movistar Plus製作,名為《決定》嘅45分鐘電視節目,交代清楚去向,總之由依家起,大家咪再講轉會,講番世盃啦!
至於基沙文究竟有咩決定?佢喺節目上公布:「我決定留低!」呢個27歲前鋒近4季幫馬體會都至少攻入25球,認真犀利。佢喺節目上都證實曾經收到過巴塞聘約,而據報巴塞係願意以1億歐元嘅買斷合約價將佢收歸旗下,只不過依家都畀基沙文拒絕囉!
東網體育同你追實體壇每個精彩時刻!