【炒人唔留手】沙特領隊　未必教得晒三場

東網電視

比斯（左）（法新社圖片）

世盃揭幕戰沙特阿拉伯鬥東道主俄羅斯，雖然對手世界排名低過自己，但沙特落到場表現認真麻麻，最後狂吞五蛋，相信唔少球迷都對呢支亞洲球隊感到失望。領隊比斯都承認，今戰係輸得好肉酸；而沙特之前都試過於世盃決賽周期間怒炒領隊，比斯最後可唔可以教晒分組賽三場都成問題。

比斯表示：「球隊表現的確唔好，俄羅斯唔使有超卓表現已足以大勝。但我對自己和球員依然有信心，依家大家要忘記今仗戰果，好好為下場賽事努力。」沙特一向炒領隊唔留手，雲馬域克就帶隊打入今屆世盃決賽周後被炒，依家沙特首場已大敗，比斯未必捱到去下場對烏拉圭。

東網體育FB同你追實體壇每個精彩時刻！

on.cc東網