【不斷更新】巴西射極唔中 僅和瑞士失分

20180618
東網電視
更多新聞短片
(Getty Images)
即上彩報世盃專頁:http://win.on.cc/football/cup2018/ 
補時7分鐘打完,巴西全場20射得4次中框,僅入1球,最後同瑞士打和1比1,表現令人失望。
90分鐘,後備登場嘅羅拔圖法明奴近門頭槌又被擋出,轉頭祖奧米蘭達離門18碼勁射又貼柱出界。
88分鐘,尼馬近門頭槌又畀恩尼森馬接實,巴西始終咬唔入瑞士。
78分鐘,巴西未見有特別優勢,尼馬離門25碼施冷箭,算係「森巴兵團」難得中框射門,可惜都係畀瑞士門將恩尼森馬接實,雙方依家仲係打和1比1。
60分鐘,巴西主帥迪迪見唔對路,搵費蘭甸奴入替卡斯米路,想增強火力。
50分鐘,瑞士右路角球由梳頓沙基利開出,伏兵門前的史堤芬蘇巴疑似用手推開巴西中堅祖奧米蘭達後,變成無人看管頂入,為瑞士追和1比1。
45分鐘,半場打完,巴西領先1比0。巴西對瑞士的E組分組賽,「森巴兵團」喺上半場形勢稍微佔優,埋門都較具威脅。佢哋個中場菲臘比古天奴喺20分鐘射入世界波遠射,幫巴西領先1比0。瑞士嘅控球指數今場其實唔算輸蝕,不過始終做唔到到肉埋門,反而巴西喺臨完半場前再有堤亞高施華接應角球頂高,幾乎將比數拉開。
40分鐘,瑞士中場史堤芬蘇巴禁區內勁射,巴西守將丹尼路雷斯慘食波餅,暈得一陣陣。
20分鐘,巴西中場菲臘比古天奴禁區邊左路招牌式遠射中柱入網,領先1比0。
11分鐘,巴西左路攻勢由尼馬底線傳中,瑞士守將法比安舒哈門前解圍失誤,巴西中場荷西保辛奴近門起腳射斜!
3分鐘,第一個攻門來自瑞士,迪斯馬利接應梳頓沙基利傳中,離門12碼射高。
E組巴西對瑞士轉頭凌晨2時開波,兩軍正選陣容都已經公布,其中巴西首席球星尼馬已徹底傷愈,將會擔正出擊,而射手加比爾捷西斯亦力壓羅拔圖法明奴取得正選。值得一提,這位曼城前鋒將以21歲75日之齡,成為自02年卡卡後嘅最年輕巴西世盃決賽周國腳。瑞士方面,陣容未見驚喜,幾名重心如中場格列沙加及梳頓沙基利均擔正。
巴西正選(4-3-3)
門將:艾利臣比加
後衞:丹尼路雷斯、堤亞高施華、祖奧米蘭達、馬些路
中場:卡斯米路、菲臘比古天奴、荷西保連奴
前鋒:韋利安、加比爾捷西斯、尼馬
瑞士正選(4-2-3-1)
門將:恩尼森馬
後衞:列治史迪拿、文路爾艾簡治、法比安舒哈、列卡度洛迪古斯
防中:格列沙加、比哈美
中場:史堤芬蘇巴、迪斯馬利、梳頓沙基利
前鋒:施費洛域
衞冕德國首仗即輸 不敵召妓兵團墨西哥
衞冕德國首仗倒灶!世界盃周日晚(17日)輪到德國登場,在F組出戰中北美洲勁旅墨西哥,日耳曼戰車出名慢熱,但今次竟然「撻唔着」,於上半場中段防線一時鬆懈失波,最終輸0比1全失3分,衞冕之路遇上挫折。
德國今仗以門將紐亞把關,但前線攻勢欠銳,反而開幕前被揭發開淫P集體嫖妓的墨西哥,今仗踢得虎虎生威,上半場多次威脅德軍大門,開賽僅1分鐘就埋門,「小鮮肉」夏榮羅辛奴殺入禁區起腳射波,幸好德國後衞及時趕到用腳擋出底線。之後角球攻勢亦造成門前混亂,德國力保不失。
不過德國後防未能汲取教訓,上半場中段繼續失魂,35分鐘墨西哥開紀錄,之前拿恩突破防線可惜臨門失機,但今次「小鮮肉」埋門勁射,終於射破紐亞十指關,墨西哥領先1比0。
德國失波之後大反擊,最有威脅係卻奧斯罰球攻門,但畀「SAM哥」奧祖亞飛身救到再中楣,墨西哥頂住德國攻勢,半場領先1比0;下半場德國傾力搶攻,墨西哥後防築起血肉長城,並不時突擊威脅德軍防線,最終墨西哥以1比0爆冷力挫德國,全取3分。
89分鐘,德國祖利安白蘭特第一時間撞射僅僅斜出!
86分鐘,德國攻極唔掂,就完場仲係落後緊
76分鐘,卻奧斯遠射又搞唔掂
68分鐘,德國曉姆斯於禁區疑似侵犯對手,但球證冇吹12碼
66分鐘,墨西哥換走入波功臣夏榮羅辛奴
63分鐘,甘美治遠距離倒掛,僅僅越楣而去,撻到Sam哥攤攤腰
58分鐘,湯馬士梅拿禁區轉身一抽,墨西哥門將Sam哥飛身拍出,但球證話越位在先
45分鐘 半場墨西哥領先1比0!德國失波之後大反擊,最有威脅係卻奧斯罰球攻門,但畀SAM哥飛身救到再中楣,墨西哥頂住德國攻勢,領先1比0。
35分鐘 墨西哥開紀錄,呢一輪墨西哥攻勢好旺盛,幾分鐘前拿思突破防線可惜臨門失機,但今次「小鮮肉」夏榮羅辛奴埋門勁射,終於射破紐亞十指關,墨西哥領先1比0。
14分鐘 墨西哥進攻右路開出罰球,赫達摩蘭奴頭槌攻門被紐亞接實。
1分鐘 德國對墨西哥正式開波,墨西哥一開波即搶攻,夏榮羅辛奴殺入禁區起腳射波,好彩德國後衞及時趕到用腳擋出底線。之後角球攻勢亦造成門前混亂,德國力保不失。
F組上屆冠軍德國將於11點登場,迎戰墨西哥,趕及決賽周前傷愈嘅門將紐亞今場擔正。不過呢位「玻璃腳」養傷近1季,到底有冇足夠狀態應付今場大戰,實在令人擔心。墨西哥鋒線以查維亞靴南迪斯掛帥,準備偷雞。
德國正選陣容(4-2-3-1)
1紐亞
18甘美治 17謝路美保定 5曉姆斯 2柏頓赫特
8卻奧斯 6基迪拉
7達斯拿 13湯馬士梅拿 10奧斯爾
9迪姆華拿
墨西哥正選陣容(4-2-3-1)
13奧祖亞
3卡路士沙斯度 2曉高艾耶拉 15赫達摩蘭奴 23捷西斯加拿度
16赫達靴里拉 18古亞達度
22夏榮羅辛奴 11卡路士韋拿 7拿恩
14查維亞靴南迪斯
等睇德國,唔使怕悶,世盃吹水王直播10點開始,除咗講波之外,仲有女子跳唱組合Bingo同唱作人曹震豪,跳舞+Live,陪大家迎接德國對墨西哥。立即Click入呢條link睇啦http://tv.on.cc/live
全場完,塞爾維亞就憑高拉洛夫射入罰球,以1:0擊敗哥斯達黎加,旗開得勝。
96分鐘 阿歷山大比祖域出手打中莊尼阿哥斯達,球證睇完VAR,只係畀阿歷山大比祖域黃牌。
90分鐘 尼曼查馬迪同哥斯達黎加助教爭波,幾乎開拖。
81分鐘 塞爾維亞換入後衞魯卡維拿,似乎想守住1:0到尾。
56分鐘 阿歷山大米祖域右路博到罰球,老將高拉洛夫表演百步穿楊絕技,主射罰球破網,塞爾維亞打開紀錄,領先1:0。
49分鐘 塞爾維亞前鋒阿歷山大米祖域突破越位,單刀殺入禁區起腳,但角度太正,被哥斯達黎加門將基羅拿華斯撲出底線,呢位皇馬鋼門果然有料到。
45分鐘 兩軍經過一輪搏槌之後,仍然冇紀錄,上半場打和0:0入更衣室。
41分鐘 哥斯達黎加守將法蘭斯高卡禾助攻,由左路扣入中路起腳,僅僅貼柱出界,轉個頭塞爾維亞中場米連高域沙域表演倒掛,但被吹越位。
35分鐘 塞爾維亞後衞托錫同對莊尼阿哥斯達火星撞地球,雙方受傷倒場,需要暫時離場治理,好彩兩人都冇乜大礙。
26分鐘 塞爾維亞中場米連高域沙域禁區內起腳,軟而無力,被哥斯達黎加門將基羅拿華斯沒收。
15分鐘 伊雲洛域右路發難傳中,哥斯達黎加門將基羅拿華斯僅撲走。
11分鐘 哥斯達黎加發動角球攻勢,基安卡路干沙利斯竟然近門頂高。
今晚世界盃頭場8點上演E組,哥斯達黎加對塞爾維亞,中北美球隊哥斯達黎加係上屆8強,絕對唔嘢小。塞爾維亞有多位大家熟悉嘅新舊英超兵,星味勝一籌,落場會踢成點呢?大家記得追睇東網不斷更新。
哥斯達黎加正選陣容(4-3-3)
1基羅拿華斯
2莊尼阿哥斯達 3基安卡路干沙利斯 6奧斯卡杜亞迪 15法蘭斯高卡禾
5施素波格斯 16基斯甸甘保亞 20古斯文佩雷斯
10拜仁雷斯 11祖漢雲尼加斯 21烏連拿
塞爾維亞正選陣容(4-2-3-1)
1史杜高域
6伊雲洛域 15尼高拉米連高域 11高拉洛夫 3托錫
4米利禾積域 21尼曼查馬迪
22拿積 20米連高域沙域 10杜辛泰迪治
9阿歷山大米祖域
東網體育FB同你追實體壇每個精彩時刻!
Follow東網體育IG一齊撐本地運動員!