10歲女足小港腳 撐比利時多過C朗！
20180618
東網電視
更多新聞短片
10歲女足小港腳 撐比利時多過C朗
足球，一向給人的印象都是男孩子的玩意，但近年開始愈來愈多女生踢足球，技術更不下於男生，就讀聖公會青衣邨何澤芸小學的高栢齡便是其中一位。年僅10歲的她，更有著遠大的夢想：「我好想去車路士做職業足球員！」
高栢齡受哥哥影響，早在1、2歲已對足球產生興趣：「因為哥哥有踢波，跟住踢下踢下覺得好得意，咁就喺屋企樓下啲足球場一齊踢波。」隨後，她在車路士足球學校（香港）學法，至今已7年。多年來，因足球緣故曾到訪多個國家，而對她而言，最深刻的一次經驗，是日本的那一次：「有一次去沖繩比賽，對手大部分都係嚟自日本，得一支台灣球隊，本身我哋都係諗住去攞經驗，最後攞到冠軍都超級開心。」這次經驗使高栢齡獲益匪淺：「因為嗰度個球場好大，自己個體能、畀波都要做好啲。」與一眾隊友四出征戰，默契早已練成，其合拍程度更是「無聲勝有聲」：「因為同隊友都踢咗好幾年，大家都好有默契，唔使出聲都知道邊個應該上、邊個應該落。」
這些年來，高栢齡獲獎無數，而今屆的屈臣氏集團香港學生運動員獎，她亦榜上有名：「得到呢個獎我好開心，多謝校長同體育老師提名我去攞呢個獎，因為唔係次次都有，所以之後我喺踢波方面都會專心啲、做好啲，我要話畀人聽女仔同男仔都有得鬥！」雖然如此，但她仍謙稱：「自己本身鍾意進攻，但係我防守就差少少，所以有時教練都會叫我打右閘。」而今屆得獎的學生，更有機會前往泰國曼谷交流，「栢齡」冀增強膽量：「我上網睇到啲泰國人玩藤球好犀利，可以攞個膽出嚟凌空打倒掛，我都好想好似佢哋咁大膽！」
在球場上優異的演出，更為她帶來港隊席位，推動她繼續奮鬥：「好榮幸入到港隊，教練對我好好，港隊嘅訓練會嚴格啲，所以都要專心啲、認真啲。」眾所週知，香港學生功課繁重，「栢齡」亦無法避免，為了兼顧足球和學業，唯有做好時間管理：「我會喺學校做功課，淨低嗰啲返到屋企就快快手做埋佢。」夢想的旅途雖然疲累，但她從未想過放棄：「有時都會覺得辛苦，因為老師有時會畀多啲功課，又要踢波，都會有少少累，但係從來都冇諗過放棄足球！」
最愛C朗夏薩特 世盃撐比利時
司職前鋒的高栢齡，視基斯坦奴朗拿度、夏薩特為偶像：「因為C朗喺面對幾個防守球員嘅時候，能夠拖延時間等隊友上嚟幫手，同埋佢啲假動作都好有創意！而夏薩特就係因為佢可以黐實啲好高跌落嚟嘅波，同埋佢射波嘅技術都做得好好」現時正值世界盃決賽週，作為兩位球星小粉絲的「栢齡」表示很難決定支持葡萄牙還是比利時：「如果兩隊揀一隊嘅話，我會揀比利時，因為比利時比較多喺英超踢波嘅球星，而葡萄牙就比較個人化，靠晒C朗嘅畀波、射波。」
東網體育FB同你追實體壇每個精彩時刻！
Follow東網體育IG一齊撐本地運動員！