哥倫比亞賤男拍片 呃日本女球迷講「我係妓女」
20180621
東網電視
更多新聞短片
哥倫比亞賤佬(小圖左)呃日本女球迷。(互聯網圖片)
即上彩報世盃專頁：http://win.on.cc/football/cup2018/
日本喺俄羅斯世盃分組賽以2:1砌低哥倫比亞，報番4年前喺巴西慘負1:4之仇，可以話舉國歡騰，但網友就發現，賽後有日本女球迷畀哥倫比亞賤佬呃，唔知情下用西班牙文話自己係狗乸同妓女，咁嘅人都有，絲打出外旅遊真係要小心！
話說有個墨超哥倫比亞賤佬，賽後搵到兩個日本女球迷自拍短片，點知佢賤到爆，竟然教其中1個粉絲跟佢逐個字講「我係狗乸」同「我係妓女」，仲要補多句「認真耳目一新呀」，搞到東瀛網民堅嬲，幾乎要派人去俄羅斯捉佢返去謝罪。
不過咁，其實哥倫比亞傳媒同網友，都不恥呢個賤佬嘅行為。由於事態嚴重，今年仲要係日本同哥倫比亞建交110周年，日本駐哥倫比亞大使森下敬一郎公開對事件表示遺憾之後，哥國外交部馬上發出緊急聲明：「我哋拒絕呢種不良行為，呢啲人唔代表我哋嘅文化、語言同種族。」，強調呢個賤佬完全代表唔到哥倫比亞人民。報道又話，賤佬知道件事揚咗，已經扮死狗公開道歉，希望日本國民原諒佢喎！
Follow東網體育IG一齊撐本地運動員！
東網體育FB同你追實體壇每個精彩時刻！