AKB有份！G奶水着妹咁樣撐日本喎
20180702
東網電視
更多新聞短片
水着偶像集氣撐日本。(互聯網)
即上彩報世盃專頁：http://win.on.cc/football/cup2018/
日本喺俄羅斯世盃對比利時，肩負首次躋身8強嘅歷史任務。賽前AKB家族嘅球迷小嶋陽菜、指原莉乃同小嶋菜月，都有喺社交網站留言幫國家隊加油，仲有G奶水着妹橋本梨菜、森咲智美同葉月Aya集氣為日本奸爸爹添！
小嶋陽菜同指原莉乃，分別係家鄉球會浦和紅鑽同大分三神嘅忠實球迷，另外，小嶋菜月細個成日跟家人入場睇波，同樣勁鍾意足球，最近佢哋分別喺社交網站留言，召集粉絲幫日本打氣，當中性感女神小嶋陽菜仲着埋國家隊最新款波衫添，非常有誠意！
其實東瀛傳媒同球迷，都好似《龍珠》主角孫悟空出元氣彈咁，集氣幫國家隊加油，G奶水着妹橋本梨菜、森咲智美同葉月Aya唔止約埋着波衫，仲喺胸前同手臂畫上特別圖案撐場，相信日本國腳睇到肯定熱血沸騰，鬥志大幅度Up呀！
Follow東網體育IG一齊撐本地運動員！
東網體育FB同你追實體壇每個精彩時刻！