點解簡東拿鄙視尼馬　睇佢被剷後嘅霸氣

東網電視

(Getty Images)

巴西球星尼馬喺今屆世界盃，頻頻「影帝上身」，被對手侵犯之後，順勢碌地幾個圈，企圖令球證覺得對手犯規嚴重，需要出牌。

不過，尼馬演技太浮誇，引起大量球迷不滿，連法國名宿簡東拿都睇唔過眼，拍片寸爆尼馬似1個黃色行李喼，掂一掂就不停自轉。

有網民支持簡東拿，將佢效力曼聯期間，對溫布頓一戰，被對手雲尼鍾斯粗野鏟跌之後嘅反應片段，上載上網。

當時簡東拿被雲尼鍾斯踢跌之後，立即起身，並且若無其事，霸氣十足，更加唔需要做戲博同情，或者呃球證。簡東拿咁正氣，難得會鄙視尼馬。

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網