尼馬升到3億歐元 仲有邊個身價暴漲？

即上彩報世盃專頁：http://win.on.cc/football/cup2018/

每屆世盃都有球員彈起，今屆都唔例外，有6位球員身價暴升，最高嗰個仲升到去3.1億歐元。邊個值3億咁貴？咪就係尼馬囉！佢由巴塞隆拿去巴黎聖日耳門嗰陣，解約費都已經2.22億歐元，加上佢喺世盃嘅好表現，有傳皇家馬德里開3.1億轉會費斟佢過檔。而尼馬嘅好拍檔古天奴亦都因為喺世盃踢得好，吸引到巴黎注意，為咗佢，仲肯畀2億歐元轉會費添！

身價暴漲嘅，仲有尼馬嘅球會隊友，19歲嘅法國前鋒麥巴比。佢上場對阿根廷一個人入兩粒，可以話係鋒芒畢露，佢身價更加由原本嘅1.8億升到上2.21億。同樣因為擊敗阿根廷而聲名大噪嘅，有克羅地亞前鋒列比錫，除咗有大球會留意佢之外，依家要買佢都貴咗2千萬歐元，不過同尼馬、古天奴、麥巴比相比，都算係升得少！

另外，喺揭幕戰有入波嘅高路雲同埋射入擊敗德國一球嘅墨西哥前鋒羅辛奴嘅身價都上升咗2千至3千萬歐元，認真利害！

東網體育FB同你追實體壇每個精彩時刻！

http://bit.ly/2ecTF2A

Follow東網體育IG一齊撐本地運動員！