得莫迪歷得天下他都是獨一無二的魔笛

東網電視

(Getty Images)

克羅地亞8強戰迎嚟東道主俄羅斯，兩軍法定時間打和1比1，加時之後再打和2比2，最終要互射12碼決勝，隊長莫迪歷操刀嘅12碼，雖然被艾堅菲夫救出，但係個波中柱再彈入，「格仔軍團」最終射贏12碼晉級。

賽後呢位莫迪歷再獲選最佳球員，同時令佢成為今屆世界盃至今唯一一位三度獲呢個殊榮嘅球員。呢個皇馬中場雖然係當今球壇最具創造力嘅球員之一，但佢嘅慶祝動作就非常樸素，有眼利嘅球迷發現莫迪歷呢個慶祝動作同佢喺皇馬時期一樣，搞笑話佢「冇創意」！

莫迪歷獲選最佳球員真係實至名歸，32歲嘅佢全場140次觸球、102次傳球、10次傳中、16次成功長傳、創造4次具威脅攻門兼交出1個助攻，即使去到加時階段仍然落力跑，拍得住啲年輕球員！加上呢位中場核心又入波又助攻，仲成功幫球隊殺入四強，令佢三度得到呢個榮譽，亦對得住「國王」呢個稱號！

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網

得莫迪歷得天下 他都是獨一無二的魔笛