【最後公投】倫敦門將大鬥法 你會點揀？

法國 Vs 比利時 超級公投站：https://bit.ly/2u7h2lE　

法國對比利時嘅大戰將於周三(11日)凌晨2時上演，兩軍交手之前不如睇下兩邊龍門嘅表現先喇！熱刺嘅洛里斯同車路士嘅泰拔高圖爾斯一直都喺英超鬥餐死，唔知球迷又覺得邊個勁啲呢？

齋睇數據，比利時門將泰拔高圖爾斯嘅撲救成功率有百分之78點3，高過洛里斯嘅66點7，就連龍門球都開得好過洛里斯，成功率足足高洛里斯百分之17。

再睇埋上季英超數據，兩個門將都係15次零封對手，但係洛里斯就有5次犯錯導致失波。

就咁睇，好似泰拔高圖爾斯勁啲喎，公投暫時都係由佢領先，唔知其他球迷又點睇呢？快啲投票話畀我哋知喇！