絕非誤報！「王子」費托加盟日職鳥棲砂岩
20180710
東網電視
更多新聞短片
(互聯網)
即上彩報世盃專頁：http://win.on.cc/football/cup2018/
日職球隊鳥棲砂岩啱啱喺新聞發佈會宣佈，正式簽下西班牙球星費蘭度托利斯，成為繼恩尼斯達之後，近排另一支獲大牌狂牛球員加盟嘅日職球隊，嚟緊日職聯賽可以話係星光燿燿。
呢位曾經同西班牙喺2008、2010同2012年連續3屆大賽都捧盃嘅功勳前鋒，據報年薪高達7.5億日元(折合5250萬港元)，將會着起球隊9號波衫，仲強調自己唔會踢踢下就走人：「我唔鍾意短期合約，我寧願喺一個地方留耐啲，所以呢次我會盡可能長期喺日職效力。」佢仲透露有可能喺下星期，為球隊處女出戰，首次喺日職登場亮相。
其實費托近排就一直盛傳會加盟日職聯賽，尤其同鳥棲砂岩行得好近。又有大牌球星嚟日本踢波，日職官方都好興奮，早喺費托未正式宣佈落戶鳥棲砂岩之前，就搶閘預先喺官網爆出佢加盟嘅消息，不過無耐就刪除咗呢個消息，近日就流傳話日職官方呢次唔止搞出大頭蝦，仲有可能令到交易告吹。好彩最終都事成，鳥棲砂岩仲印埋「誤報」頸巾，畀費托加盟時拎住影相，大抽日職水。
Follow東網體育IG一齊撐本地運動員！
東網體育FB同你追實體壇每個精彩時刻！