【官宣】C朗正式轉投祖雲達斯

皇馬已於官網正式宣布，銀河艦隊為滿足C朗嘅離隊要求，已應承畀佢離開，轉投意甲勁旅祖雲達斯。皇馬於官網多謝呢名葡萄牙巨星，9年來為球會帶來極多獎盃，並盛讚C朗係全球最佳球員，為皇馬創造隊史上最輝煌嘅年代。

C朗為皇馬史上入波最多球員，438場比賽中射入451球，並為球會取得16個冠軍，當中包括4個歐聯錦標。於皇馬效力期間，C朗4次取得金球獎。

皇馬並冇公布C朗嘅轉會費，不過據多間外媒透露，C朗是次轉會費為1.05億歐元。