【有圖有真相】亨利無間道教法國仔入波
20180711
東網電視
更多新聞短片
（互聯網）
即上彩報世盃專頁：http://win.on.cc/football/cup2018/
一隊係祖國，一隊係依家老細，亨利會幫邊面呢？從呢張相好似睇到端倪。世界盃四強大戰法國決戰比利時，法蘭西兵團憑後衞烏姆迪迪換邊後一次頭槌攻門奠勝，以1:0氣走歐洲紅魔殺入決賽。電視直播片段睇到，下半場比利時行入球場時，助教亨利竟然同烏姆迪迪傾起偈，亨利好似教路咁款，該名巴塞隆拿中堅十分鐘後就一頭定江山，唔通亨利真係無間道？
法國名宿亨利，係98年世界盃冠軍隊成員，當時法蘭西兵團擊敗巴西捧盃，今次佢同新東家比利時去到四強階段，會唔會想呢支新生代法國隊，同自己一樣登上世界之巔？下半場開始前，亨利早球員一步去到後備席，當時烏姆迪迪偷偷哋行到對手後備席，同亨利傾得投契，亨利仲頗肉緊咁指手劃腳，究竟當時係傾啲乜，就只有佢哋先知喇。
賽後佢除安慰比利時球員外，仲攬實法國一眾球員包括「新亨利」基利安麥巴比，以及98年奪標隊友、現時法國領隊迪甘斯，恭喜佢哋闖入決賽。唔少花生網友都話，亨利當時肯定好開心，因為佢個心根本就喺法國度，不知忍笑忍得幾辛苦喎！
東網體育FB同你追實體壇每個精彩時刻！