日本球星柴崎岳將娶「逃跑雖可恥」女星
20180712
東網電視
更多新聞短片
即上彩報世盃專頁：http://win.on.cc/football/cup2018/
帶領日本闖入世盃16強嘅中場球星柴崎岳，同參演日劇《逃跑雖可恥但有用》人氣女星真野惠里菜拍拖近1年半，終於好事近，據日本傳媒報道，兩人喺呢個星期内將會註冊結婚，正式拉埋天窗。
熱戀中嘅呢對明星情侶，早前決定喺世盃之前，都唔會談婚論嫁，近日呢位日本國腳呢頭踢完太公波冇耐，嗰頭就返到日本同真野惠里菜去到各自屋企見家長，仲通知埋身邊親友，似乎會喺本周内搞掂埋結婚申請。
效力西甲球隊基達菲嘅柴崎岳，今屆喺世盃舞台上表現有目共睹，似乎都吸引咗唔少球會關注，無論如何都好大機會喺返歐洲揾食，有見及此，真野惠里菜都似乎已經做好放棄自己演藝事業嘅準備，打算跟埋柴崎岳齊齊喺海外生活，組織小家庭，真係諗起都SWEET啊！
東網體育FB同你追實體壇每個精彩時刻！
Follow東網體育IG一齊撐本地運動員！