【世盃決賽】法國隊輕鬆復課　主席打氣

東網電視

(法新社圖片)

俄羅斯世界盃決賽隊伍法國隊，周四(12日)復課準備周日決賽，力爭史上第二個世界盃冠軍，大軍由聖彼得堡開赴距離莫斯科以西70公里伊特斯拉駐紮備戰，法國足總主席利格列親臨探營打氣，搭住尼高路簡迪膊頭傾密偈。

法國隊今課操練望落去好輕鬆，基沙文、保羅普巴悠閒地坐喺後備席休息，「新球王」基利安麥巴比都有現身，亦有球員接受按摩師治療。

法國比決賽對手克羅地亞早一日踢完4強賽事，比對手多一日休息，而且晉級過程每場都在法定時間90分鐘內贏波，反觀克羅地亞過去3場淘汰賽都踢到加時120分鐘，亦比對手休息少一日，法國隊在體力上明顯有優勢。

不過克羅地亞都唔係蝕底晒，因為佢哋4強對英格蘭在莫斯科舉行，晉級決賽後毋須搬酒店，可以留在莫斯科備戰決賽。

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網