卡富幫尼馬解圍：巴西輸波唔可以怪晒佢

東網電視

(Getty Images)

巴西在世界盃8強出局，至今都有一段時間，但傳媒同球迷仍然唔肯放過尼馬，一致認為佢係出局罪人，插到佢上天花板，鬧咗咁多日之後，巴西傳奇隊長卡富終於出嚟講兩句公道說話，佢認為大家對尼馬太嚴格，巴西輸波唔應該淨係怪佢。

卡富表示：「大家都期待巴西有好成績，大家都知道尼馬係陣中最出色球員，所以球隊一輸波，大家都將矛頭指向佢，咁都好正常。」

「不過咁對尼馬好唔公平。」卡富續道：「尼馬係巴西近年最佳球員，佢只係30分鐘表現唔出水準，唔應該就咁質疑佢整個職業生涯所做的一切。」

「世界盃就是如此，不能容許輸波，不過尼馬係醒目仔，佢肯定可以振作起來。」

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網