超冇品！英格蘭趁克羅地亞慶祝偷襲

東網電視

文迪蘇傑入波後克羅地亞畀英格蘭偷襲。(互聯網)

英格蘭喺俄羅斯世盃4強加時後以1:2不敵克羅地亞，原來發生過超冇品事件，話說文迪蘇傑喺加時下半場入波後，克羅地亞球員瘋狂慶祝，點知英格蘭球員竟然玩無恥，走去中圈開波發動偷襲！

雖然電視直播當時影住克羅地亞球員慶祝，冇交待呢件事，但有現場球迷影到，當時英格蘭已經有3個球員，衝到去克羅地亞禁區前面準備攻門，完全冇人理佢哋，只得克羅地亞門將蘇巴錫勁無助咁等死。

記得英格蘭喺分組賽對巴拿馬，對手都試過咁做，不過根據球例，其實喺死球狀態下，假如其中1隊少過7個球員喺球場入面，球證需要吹停重新開始比賽，所以英格蘭嘅偷襲唔成功，要等克羅地亞慶祝完再開波呀！

Follow東網體育IG一齊撐本地運動員！

東網體育FB同你追實體壇每個精彩時刻！

on.cc東網