被譽為法國最索WAG　水汪汪眼晴迷死人

即上彩報世盃專頁：http://win.on.cc/football/cup2018/

法國打入今屆世界盃決賽，全隊球員身價可以說是眾隊之中最高，他們實而不華的表現勇闖到冠軍戰，已經贏盡了掌聲。

效力馬賽嘅中場大將泰奧雲，今次世界盃出場機會唔多，僅於阿根廷一戰後備上陣3分鐘，呢位25歲嘅球星希望可以喺決賽爭取出場機會，而佢背後嘅女人Charlotte Pirroni當然會力撐愛郎，為佢打氣。

與泰奧雲同齡嘅Charlotte曾是法國「藍色海岸小姐」，可謂法國隊最搶鏡嘅WAG之一，擁有一對水汪汪嘅眼晴，笑起上嚟亦非常迷人。呢位美人唔單止靚，而且好有個人品味，特別係配戴首飾，更特別鍾情大耳環，喺佢好多個人照之中，都不難發現，而且更令Charlotte多添魅力。

Charlotte唔單止迷人，原來佢同足球都好有淵源，佢本身是犘納哥名宿路易斯皮洛尼（ Louis Pirroni）的孫女，一位曾在上世紀初球壇叱吒風雲的人物，球員時代不但是球隊主將，更三次執教球隊，所以Charlotte自小已經好熱愛足球，而且對摩納哥球會很有好感，曾經為球會做開球禮嘉賓，而球會更送上一件印有「Charlotte」嘅波衫畀佢，開心到爆。

早兩日佢上載咗自己着住法國20號球衣同埋兩隻愛犬睇世盃嘅相去個人社交網，即刻被粉絲Like爆。

Follow東網體育IG一齊撐本地運動員！

http://bit.ly/2EYxoRh

東網體育FB同你追實體壇每個精彩時刻！