【法國帶刀侍衞】白面鐵閘翻版利沙拉素

東網電視

班捷文柏華特(左)(Getty Images)

法國傳統上由中場前球星做主角，從以往柏天尼、簡東拿、施丹、亨利，到現時基利安麥巴比、基沙文等。

不過，去到關鍵時刻，往往要靠「帶刀侍衞」殺出一條血路。1998年捧世界盃係咁，到今屆打入決賽，亦如出一轍，依家帶大家去重劃呢條相隔20年嘅勝利軌跡。

1998年分組賽法國大炒沙特阿拉伯4:0，左閘利沙拉素殺入禁區建功，雖然只錦上添花，但佢一直喺左路助攻助守，打晒成條邊線，對球隊貢獻良多，絕對係捧盃功臣，可堪稱為法國近20年最出色左閘。

來到今屆輪到右閘發威，16強法國對阿根廷，法國先開紀錄之下，被阿根廷反超前，全靠右閘班捷文柏華特有神來之筆，抽入世界波，為法國扳平。

亦都係呢1球，令法國重拾信心，先至有後來基利安麥巴比嘅個人騷。效力史特加、已經內定成為拜仁慕尼黑一員嘅班捷文柏華特年只係僅22歲，將來仲有排玩。

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網