【拳王回歸】曹星如再上擂台:我會繼續打拳

20180713
東網電視
更多新聞短片
(記者王藝霖攝)
自2017年10月7日與河野公平一戰後,「神奇小子」曹星如已經有接近9個月未有接觸拳擊,今日竟然有機會再踏上擂台,其實是現身出席代言的理財活動。今日的Rex與之前相比,望落雖然瘦削了,但面貌精神奕奕,更向fans大派定心丸:「我會再上擂台打比賽。」
闊別擂台9個月,曹星如由當天額頭腫了一大片,到今天左眼仍然處於康復過程,但Rex對拳擊依舊熱愛。今天更特別安排他在活動踏上迷你擂台,給他過一過「手癮」:「好開心,有得打拳簡直係正!」被問到眼睛的傷勢,Rex說:「醫生畀咗一啲康復訓練,第一次做真係完全睇唔到,但依家每日做,對焦好咗唔少,但都未確實到康復時間。」
雖然左眼對焦仍出現問題,但Rex近日在社交網站上載了不少自己的運動片段,運動細胞似乎蠢蠢欲動:「停咗太耐無運動,係時候要跑吓步,做一做體能,依家一星期都會跑3至4次。」兩日後就踏入31歲,如果想再繼續打拳,當然要好好keep fit,雖然復出時間表仍然未能確定,但我們這位香港拳王就表示:「自己仲可以打到比賽,就會上番擂台打比賽,希望隻眼可以快些好番,因為我好想打番拳。」
Follow東網體育IG一齊撐本地運動員!
東網體育FB同你追實體壇每個精彩時刻!