殺入中超！陳俊樂簽廣州富力3年半

中超球會廣州富力周五（13日）晚於旗下官方微博上宣布，球會跟港隊中場陳俊樂簽下為期3年半的合約。現年22歲的「樂仔」，去季效力和富大埔，並協助球隊奪得「三料亞軍」，對於今次轉戰中超，他認為是自己職業生涯一個發展的好機會︰「呢度係一個好好嘅平台畀我去令自己進步，我喺香港一直都係踢港超聯，一邊讀書一邊踢波，完成咗4年嘅學業，都希望有一個更好嘅平台去表現自己，嚟到呢度係一個好好嘅機會。」

陳俊樂亦指，希望能盡快融入球隊，而他在溝通上的優勢亦可令他更易適應：「首先嚟到中超聯賽，我一定要盡快適應呢度嘅比賽節奏同埋球隊嘅踢法，希望可以盡快得到出場嘅機會。我覺得球隊每位球員都好和洽，球員之間有好多互動，就算係外援同本土嘅球員，都有好好嘅溝通，對我嚟講喺適應上會加快。我好細個已經識講普通話，上到嚟無論係廣東話、廣州話、普通話或者英文，都可以好好咁溝通，對我嚟講幫助好大，令我可以盡快同隊友溝通到。」

一向愛錫女友的「樂仔」，原訂趁休季與女友、認識多年好友「大佬」梁冠聰、「細佬」梁諾恆等到歐洲旅行，但未出發先接到球隊要到美國洛杉磯集訓的消息，「樂仔」最終因而未能隨團，剩下女友、「細佬」女友、「大佬」及其未婚妻與友人一行6人出發歐遊。

「樂仔」於集訓期間披起6號球衣為廣州富力正選上陣，與USL球隊鳳凰重生踢熱身賽。從球隊剪輯片段所見，「樂仔」不時參與進攻，更助攻艾蘭沙維射成1比0。