【世盃決賽】祖高域唔怕暗殺　力撐克羅地亞

東網電視

祖高域(中)同克羅地亞球員合照。(互聯網)

克羅地亞同塞爾維亞雖然都係前南斯拉夫一部分，但其實兩國歷史上一向係死敵，兩國球隊比賽，亦經常發生嚴重球迷衝突。不過，克羅地亞今屆世界盃取得佳績，塞爾維亞男子網球名將祖高域，懶理政治及民族對立局面，照樣恭賀克羅地亞，引起塞爾維亞極端民族主義者不滿，隨時惹來殺身之禍，但佢講明未驚過。

克羅地亞喺8強憑互射12碼淘汰俄羅斯之後，祖高域喺克羅地亞中場拿傑迪錫嘅社交網留言祝賀，結果被大量塞爾維亞網民批評佢叛國。不過，祖高域霸氣回應：「運動係我哋嘅共同語言，抹去人同人之間嘅界限，超越信仰、種族、國家之間嘅異同，呢種就係運動魅力所在。」祖高域又好波，又好品，抵佢長期以來都咁受歡迎。

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網