【季軍戰】世盃金靴獎計法你要知

東網電視

(互聯網)

今屆世界盃金靴獎得主成為哈利卡尼同盧卡古之爭，因為佢兩個係現時最大機會得獎嘅球員，前者射入6球，盧卡古就有4球在手，兩人在重要性相對較低嘅季軍戰交手，再有「士哥」唔出奇，至於入咗3球嘅法國攻擊球員基沙文同基利安麥巴比，在決賽個人攻入3球難度甚高，問鼎金靴獎嘅機會好微。

世界盃金靴獎計算方法方法，1994世界盃之前，如果入球相同嘅球員就會並列得獎，但1994世界盃開始就改良計算方法，在該屆開始，如果球員入球相同，就計算助攻次數較多一方獲獎，到2006世界盃，除咗計助攻外，會計埋上陣時間較少一方獲獎。

今屆金靴獎形勢，哈利卡尼雖以6球領先，但沒有助攻，盧卡古以4球排第2，但有1個助攻，如果季軍戰盧卡古攻入兩球，哈利卡尼冇波入，而決賽法國對克羅地亞再冇人入球總數多於6球，盧卡古就有機會後上獲得今屆金靴獎。

世界盃金靴近年得獎球員

2014 占士洛迪古斯(哥倫比亞) 6球

2010 湯馬士梅拿(德國) 5球

2006 高路斯(德國) 5球

2002 朗拿度(巴西) 8球

1998 蘇加(克羅地亞) 6球

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網