【法國寶藏】男版灰姑娘 柏華特9個月的奇蹟

20180714
東網電視
更多新聞短片
(法新社圖片/互聯網)
即上彩報世盃專頁:http://win.on.cc/football/cup2018/ 
人生真係好奇妙!法國22歲年輕球員班捷文柏華特,出身自法甲球會里爾,20歲首次外闖發展,都只係加盟德乙球隊史特加至今。不過睇落平平無奇嘅佢,之後先幫呢支德國老牌球會重返甲組,然後直到舊年11月開始,憑住高效率兼多功能位置踢法,突然獲得法國國家隊徵召,踏上人生贏家之路。9個月之後,佢已經搖身一變成為法國正選右閘,助攻助守滿場飛,16強對住阿根廷仲射入世界波,全面上位。最令人羨慕係佢仲有個2007年法國小姐嘅「姐姐級」女友,各位巴打都想講句:點解這些機會不是我的呢!
未踢國家隊前,問到有幾多法國隊球迷會識班捷文柏華特?恐怕真係一隻手都數得晒!呢個22歲新星之前最叻仔,都只係幫史特加贏過德乙冠軍。不過佢能夠兼任右閘、中堅、右中場同右翼嘅踢法,就令佢係關鍵時刻得到法國領隊迪甘斯垂青,揀埋佢入世盃大軍。
對住阿根廷之戰射入超靚扳平波,班捷文柏華特最令人眼前一亮,係佢賽後走去觀眾席同個索女錫錫。外表唔算特別出眾嘅佢,事後被發現錫佢嘅女友竟然係現年30歲嘅前法國小姐選舉冠軍,二人仲鬼咁恩愛添!睇吓柏華特依家真係有錢有女,如果畀佢做埋世界冠軍,真正做到人生大贏家囉!
東網體育同你追實體壇每個精彩時刻!