【神奇格仔】紋世盃上額頭喎！等睇佢找數

東網電視

拿傑迪錫話克羅地亞攞冠軍就紋世盃上額頭。(互聯網)

克羅地亞喺俄羅斯世盃決賽同法國爭冠軍，賽前拿傑迪錫公開自己嘅瘋狂賭注，佢話假如克羅地亞贏波，就會喺額頭紋個大力神盃，希望借助制約與誓約，激發自己嘅能力最大極限。

日本漫畫《全職獵人》入面，提到古拿比加嘅念能力可以獨力打爆幻影旅團成員，皆因佢用咗制約與誓約，即係喺內心立下制約，然後嚴格遵守誓約，令到自己嘅能力發揮出爆炸性威力，等於拿傑迪錫話克羅地亞捧盃，佢願意找數紋大力神盃上額頭。

拿傑迪錫喺記者會話：「我隻手已經紋滿晒，但額頭仲有位，假如係神嘅旨意，我會犧牲額頭，橫豎有好多位，當然，紋之前我會問准老婆開綠燈先。」其實拿傑迪錫仲講，假如神要佢用退役嚟換取世盃冠軍，佢都肯制，真係玩到好大喎！

Follow東網體育IG一齊撐本地運動員！

東網體育FB同你追實體壇每個精彩時刻！

on.cc東網